Okkar mál fékk verðlaunin Orðsporið 2014

ordsporid 2ordsporDagur leikskólans 6.febrúar. Leikskólar landsins halda upp á daginn með ýmsum hætti til að vekja athygli á starfi leikskólakennara og til að kynna starfsemi leikskóla út á við. Ástæðan fyrir því að 6. febrúar er dagur leikskólans er sú að þann dag árið 1950 stofnuðu frumkvöðlar leikskólakennara fyrstu samtök sín.

Í tilefni dagsins veitir kynningarnefnd Félags leikskólakennara og Félags stjórnenda leikskóla viðurkenningu sem nefnist Orðsporið til þeirra sem hafa þótt skara fram úr og unnið ötullega í þágu leikskóla og/eða leikskólabarna. Félagsmenn sendu inn tilnefningar til viðurkenningarinnar til sérstakrar valnefndar. Hægt var að tilnefna einstakan leikskólakennara, kennarahóp, verkefni, leikskóla, leikskólastjóra, stefnumótun, skipulag, foreldrasamstarf, sérkennslu, forvarnir, sveitarfélag eða annað sem vel hefur verið gert.

Viðurkenninguna Orðsporið 2014 hlýtur að þessu sinni verkefnið Okkar mál. Afhendingin fór fram við hátíðlega athöfn í Hannesarholti og afhenti Jón Gnarr borgarstjóri fulltrúum verkefnisins viðurkenninguna.

 

 

Meginmarkmið verkefnisins Okkar mál er að auka samstarf skóla í Fellahverfi og stofnana í Breiðholti með það að leiðarljósi að efla félagslegan jöfnuð, námsárangur og vellíðan barna í hverfinu. Í því felst meðal annars:

að auka þekkingu kennara og starfsfólks á þáttum sem hafa áhrif á máltöku og læsi allra barna með sérstakri áherslu á börn með annað móðurmál en íslensku
að efla fagleg vinnubrögð og færni kennara í starfi með margbreytilegum barna- og foreldrahópi
að þróa og innleiða fjölbreyttar kennsluaðferðir sem miða að því að jafna tækifæri barna til náms
að afrakstri verkefnisins verði miðlað á fjölbreyttan hátt til annarra er gagn hafa af

Samstarfsaðilar í Okkar mál verkefninu eru Fellaskóli, Leikskólinn Holt, Leikskólinn Ösp, Miðberg, Rannsóknarstofa um þroska, mál og læsi – Menntavísindasvið Háskóla Íslands, Skóla- og frístundasvið Reykjavíkur og Þjónustumiðstöð Breiðholts.

Nánar um Okkar mál má nálgast á heimasíðunni  http://tungumalatorg.is/okkarmal 

Prenta | Netfang

Stóri leikskóladagurinn - Holt

storileikskoladLeikskólinn Holt tók þátt í Stóra leikskóladeginum sl. föstudag í Ráðhúsi Reykjavíkur og kynnti leikskólann og allt það frábæra starf sem við erum að vinna þar með börnunum.  Einnig vorum við með kynningu á þróunarverkefninu "Okkar mál".  Mjög skemmtilegur dagur og verður örugglega enn skemmtilegri næsta ár.  Þá verður daggurinn haldinn hátíðlegur þann 23.maí 2014.  

Prenta | Netfang

Hvatningaverðlaun Skóla- og frístundasviðs

Mánudaginn 13. maí voru hvatningarverðlaun skóla- og frístundaráðs veitt fyrir metnaðarfullt fagstarf í leikskólum, grunnskólum, frístundamiðstöðvum og skólahljómsveitum borgarinnar. Markmið verðlaunanna er að vekja athygli á því gróskumikla skóla- og frístundastarfi sem unnið er af starfsfólki og á starfsstöðum skóla- og frístundasviðs og hvetja til nýbreytni- og þróunarstarfs.

Verkefnið Okkar mál með leikskólann Ösp, leikskólann Holt og Fellaskóla í broddi fylkingar hlutu viðurkenningu fyrir samstarfsverkefni í hverfum borgarinnar.

mai2013b

Prenta | Netfang

Áframhald á "Okkar mál" þróunarverkefninu

holt-logoSkóla- og frístundaráð afgreiddi á fundi sínum í dag almenna styrki og þróunarstyrki til skóla- og frístundastarfs. Yfir sjötíu umsóknir bárust og fengu fjörutíu verkefni styrki fyrir alls um 30 milljónir króna.

Við afgreiðslu þróunarstyrkja var haft að leiðarljósi að styrkja verkefni sem leggja áherslu á læsi, lýðræði, mannréttindi og upplýsinga- og tæknimennt í leikskólum, grunnskólum og frístundastarfi.

Hæsti þróunarstyrkurinn, 2, 5 milljón króna, fór til verkefnisins Okkar mál sem miðar að auknu samstarfi um menningu, málþroska og læsi í Fellahverfi. Þetta er samstarfsverkefni leikskóla, grunnskóla og frístundar í Fellahverfi, auk Háskóla Íslands og þjónustumiðstöðvar Breiðholts.Smile

> Sjá kynningu og upplýsingar um verkefnið "Okkar mál" : Verkefnið "Okkar mál"

Hólabrekkuskóli fékk 1,2 milljónir króna til að búa til gagnvirk málfræðiverkefni fyrir unglinga í dönsku og íslensku og Laugarlækjarskóli fékk 1.3 milljónir króna til skapandi starfs í upplýsingaveri skólans. Þá kom 1.5 milljón króna í hlut leikskólans Suðurborgar til að efla sérhæfingu skólans í atferlisþjálfun fyrir börn á einhverfurófi og frístundamiðstöðin Frostaskjól fékk 1 milljón króna til verkefnisins Lýðræði og mannréttindi í leik og starfi.

Hæstu almennu styrkirnir runnu til verkefna sem miða að því að efla upplýsinga- og tæknimennt í reykvískum skólum og stuðla að auknum lestri. Þetta voru verkefni Rithöfundasambands Íslands Skáld í skólum og verkefnið Moodle - Vísir að verkefnabanka sem miðar að því vinna verkefni í íslensku, samfélagsfræði og upplýsingamennt fyrir 8.-10.bekk í Moodle-námsumsjónarkerfinu. Þá var m.a. veittur styrkur til að halda myndlistarnámskeið fyrir börn í Breiðholti, halda námskeið fyrir unglinga í útvarpsþáttagerð og gera umferðarleikrit til forvarna fyrir yngstu bekki grunnskóla í borginni.

Linkur á frétt : Styrkir frá Skóla- og frístundaráði - frétt á vef Reykjavíkurborgar 

Prenta | Netfang


Foreldravefur